 |
| Pas Uyahnya |
"kada kawalah diundur minggu kaina atawa bulan di hadap haja," sahut nang bini.
"kanapa maka diundur ding," ujar palui.
"aa malihat saurang haja bahwa ulun sudah baminggu-minggu awak asa garing jadi kada kawa ka
pasar gasan batutukar dan kada kawa manggawinya," ujar bini palui.
"sual mahaul ini ding ai baiknya harus
pas harinya jangan ditunda-tunda, kasihan aruwah," ujar palui.
"ulun garing ini karna ulahan sampiyan jua," ujar bininya.
"garing nangapa, maka sudah kutukarakan macam-macam ubatnya balum waras jua," balas palui lalu lihum hanyar ingat bininya itu mangidam pulang.
"dahulu wayah masih bujang aa rancak haja bamasak saurang makanya kawa haja digamati asal jangan banyak manyaru kakawalan," ujar bininya.
"kalu kaya itu usul ading maka bahaulan ini kugawi jua.
tulung sambatiakan bahan masakannya," ujar palui.
baisukan itu palui sungsung tulak ka
pasar sambil basaruan garbus, tulamak, tuhirang, tukacut, dan tatangganya.
"ulun minta pak h duraup mamimpinakan acara salamatan mahaul ini, tapi doanya nang handap-handap haja," ujar palui.
"panjang atawa handap doa itu sama haja tapi nang panting adalah kakhusuan kita manggawinya," ujar tuan guru h duraup.
lalu imbah tuntung badoa langsung basusurung.
"kami sanang disuguhi macam-macam makanan, ada sup hayam, karih, acar, wan sambal gureng," ujar garbus.
"makanan ini adalah kasayangan aruwah, ayu dimakani.
itu ada limau kuit, sambal lumbuk awan kicapnya gasan sup," ujar palui.
garbus wan tulamak kada sabar lagi barabut butul kicap masin cap kunci gasan mangicapi supnya apalagi masih panas-panas lalu manyendok sambalnya.
"
pas banar sup ini lawan kicap masin, cucuk wan liurku," ujar h duraup.
"tapi ampunku kada
pas, manyalingit rasanya," ujar garbus imbah marasani supnya.
"iih, sangak di rakungan," sahut tulamak manjalujuk imbah inya mulai mamakan.
"masakan ini adalah masakan koki nang kaya di risturan, masakan koki itu ada risepnya," sahut palui himung.
"kanapa maka dipadahakan masakan koki," ujar garbus takurasam kamasinan.
"biniku gagaringan jadi aku nang bamasak, masak koki itu artinya masak laki," sahut palui.
"tapi risepnya kada
pas lui ai, sup nang sudah masin banar talanjur kami kicapi lalu jadi wadi," ujar garbus wan tulamak taimbai manyahut.
"tapi pak h duraup mamadahakan nyaman banar dan
pas uyahnya," sahut palui.
"harap dimaklumi bahwa pak haji itu mimang urangnya pamasinan, sedangkan kami ini darah tinggi jadi katuju nang hambar-hambar haja," sahut bubuhannya sambil marikuk managuk sup nang masin.
(bpt/tam)
Source from: banjarmasin[dot]tribunews[dot]com
Belum ada tanggapan untuk "Pas Uyahnya"
Post a Comment
Note: Only a member of this blog may post a comment.