Ojo Kesusu

Ojo Kesusu

nang ngarannya maujek wayah ini amun cuma mahadang bisa kada bakulih panumpang.
ujar urang harus cangkal manawarakan wan harus pintar mambaca paluang.
makanya palui batangah malaman tulak ka palabuhan trisakti mahadang panumpang nang turun matan kapal.
rupanya barakat cangkal ada haja panumpang nang sangkut wan palui.
"kamana mba? ujar palui manankuni babinian itu limbah maminandui lain urang banjar.
"carikan saya penginapan yang murah ya mas?" ujar bibinian tadi babahasa indonesia.
"gampang, aku tahu banar panginapan nang murah," ujar palui paham.
"ayu naik ujar palui sambil mahidupi masin.
mba tadi naik wan bapingkut ka pinggang palui.
palui mambawa dasar singhaja laju supaya bibinian tadi tambah baragap kapinggangnya.
"ojo kesusu mas!" ujar bibinian tadi manapak ka batang paha palui.
"ayu ja aku bamaju sadikit ," ujar palui kada paham.
bibinian tadi umpat bamaju kamuka sambil bapingkut makin pisit ka pinggang.
"ojo kesusu mas!" ujar nya pulang.
"iya, aku bamaju lagi nah," ujar palui lalu bamaju lagi duduknya.
marasa palui bamaju duduk, bibinian tadi umpat jua bamaju duduk.
kada lawas mba tadi baucap pulang: "ojo kesusu mas!" ujar bibinian tadi manapak ka paha palui sambil mangibit.
"akai, kanapa aku di kibit mba? aku ni sudah duduk bamaju ka tangki, kada kawa lagi amun disuruh bamaju!" ujar palui jua pina sarik.
"sampeyan kanapa maju-maju kemuka? aku cuma bilang ojo kesusu, tapi sampeyan duduknya malah maju dan malah makin ngebut," ujar bibinian tadi pina sarik jua.
"ikam bapadah ojo ke susu pang, makanya aku maju-maju ka muka sampai duduk ka tangki sapida mutur," ujar palui kada hakun kalah.
rupanya bibinian tadi mangarti.
"maksudku ojo kesusu itu jangan terburu-buru mas, bukan jangan kena susu," ujar mba tadi manjalasakan.
"pantas saja sampeyan duduknya tambah maju," ujar bibinian tadi lihum.
"oooo kaya itu kah artinya?" ujar palui supan.
"ayo.
.
.
mepet lagi duduknya!" ujar bibinian itu maragap palui.
"tahu haja mba ne, amun kaya itu aku bamundurai pulang," ujar palui kasukaan.
rupanya bibinian matan jawa tadi mangarti haja kahandaknya.
(bpt/fai)


Source from: banjarmasin[dot]tribunews[dot]com

Tweet

Jangan sampai ketinggalan postingan-postingan terbaik dari Portal Berita Online Kalimantan. Berlangganan melalui email sekarang juga:

Atau sobat juga bisa follow Portal Berita Online Kalimantan dengan mengklik tombol di bawah ini:

Artikel keren lainnya:

Ditulis oleh laso pada tanggal Sunday, April 7, 2013