 |
| Lawas Mangumpulakan |
mamarina palui baniat mambaiki hatap, mangganti tawing wan lantai.
karna kada cukup duit gasan maupahakan, tapaksa digawi saurang.
ikam lui ai kuminta mambantu aku manukangi rumahku ini, sambil balajar manukang kalu kaina tuha kadada gawian atawa ngalih mancari gawian maka kabisaan manukang ini bisa dijadiakan mudal, ujar mamarinanya mamanderi palui.
inggih, ulun siap haja julak ai, ujar palui manyahut.
gawian manukang ini sabujurnya kada ngalih lui ai.
apalagi rumah kayu, hanya talu macam haja yaitu manggargaji, manatak wan mamaku, ujar mamarinanya.
ooo.
.
.
jadi tiga macam hajalah lak.
padahal ulun lihat macam-macam nang digawi, kada cuma tiga macam itu haja, ujar palui kada parcaya.
wayah ini samunyaan barang sudah tasadia di pasar, tinggal manukar haja.
ada paku, ada papan, ada kasau, ada ring, ada hatap, ada engsel, ujar mamarinanya.
nah, banyak banar macamnya julak ai, ujar palui.
cuma talu macam haja.
papan atawa kasau wan ring bila kapanjangan lalu ditatak, bila balum licin atawa kada rata maka parlu dikatam digargaji wan bila sudah cucuk ukurannya tinggal mamasang lalu dipaku, ujar julaknya.
hi ih-lah nyaman banar manggawinya kalu talu macam itu haja, tapi.
.
.
tapi kanapa maka sampai babulan-bulan hanyar tuntung lak? ujar palui.
nang
lawas itu lui ai adalah wayah maukur, maniring, mampasakan, maangkat, mamasang, manyusun wan harus turun naik tangga.
lalu baistirahat satumat handak makan wan nginum, ujar julaknya.
balum cukup julak ai, karna masih harus sambahyang zuhur wan sembahyang asar, ujar palui manambahi.
jadi kalu cuma dua bulan atawa sampai ampat, lima bulan hanyar tuntung biasa haja lui ai, karna ada nang labih
lawas lagi sampai batahun-tahun bahkan sampai puluhan tahun hanyar tuntung, ujar julaknya.
kalu cuma satahun hanyar mungkin haja lak ai, tapi kada mungkin kalu sampai puluhan tahun ujar palui mangaramputakan panderan julaknya.
buktinya rumah julak ini parak puluhan tahun hanyar tuntung, ujar julaknya.
napanya nang maulah
lawas itu lak? ujar palui kada paham.
nang maulah
lawas sampai puluhan tahun itu adalah mangumpulakan duitnya gasan manukar bahan-bahannya, ujar mamarinanya lihum.
tapintar nang tuha jua karna tabanyak mamakan uyah, ujar palui baucap dalam hati karna dikalahakan julaknya.
(emhati/rep)
Source from: banjarmasin[dot]tribunews[dot]com
Belum ada tanggapan untuk "Lawas Mangumpulakan"
Post a Comment
Note: Only a member of this blog may post a comment.