 |
| Pung-Pung, Lipung |
HARI itu Palui wan kakawalannya baidabul pulang di warung Acil Inur. Rami banar mahual sual upeti. Ujar Palui, bahwa upeti itu ialah jaman raja-raja timpu dulu, yaitu kawajiban menyarahakan harta atawa duit ka Raja atawa Panguasa, dalam batas waktu tartantu.
Amun kada disarahakan, maka raja atawa panguasa akan murka, ujar Palui paragah tahu.
Tarima kasih, Lui-ai, tantang BLT (Bantuan Langsung Tunai) kami tahu jua. Tapi istilah UPT itu napa? ujar Tulamak handak mauji.
Mandam Palui, bagaru kapala, kada kawa menjalaskan, Tulamak lalu baagak: Mun kaya ini, katua RT kita ini katinggalan karita api. Adapun UPT itu ialah Uang Pelicin Tunai. Taripnya kada manantu, bisa sajuta sampai ampat jutaan, gasan parusis pangangkatan calun PNS. Mun kada dibari UPT, jalannya kada licin. ujar Tulamak.
Umailah! ujar Palui masih kada parcaya. Dimapa Mak datangnya istilah UPT ini?Kada matan Batulicin, tapi di Banjar jua. Bila kada dibari duit palicin, artinya tasandat-sandat atawa lawas pengangkatannya. Maklum haja tu, Lui-ai ujar Tulamak takarinyum. Nah, ini tamasuk gulungan pung-pung-lipung ujar Palui tatawa mengalakak.
Hau.....napa pulang artinya pung-lipung itu, Lui? takun Tulamak kahiranan.
Ikam masih ingatkah, Mak, bahwa dahulu, almarhum Bung Tomo parnah bapandir, mangaritik bubuhan koruptur pungutan liar di nagara kita ini supaya dibarantas. Tapi nyatanya sampai wayah ini nang ngarannya pungli itu tatap subur, cuma baganti ngaran haja jadi UPT (Uang Palicin Tunai), ujar Palui.
Kalu kaya ini, aku ingat pantun papadah urang Banjar, ujar Tulamak.
Baju salawar bagus, dasi malintang. Tulak ka pasar, handak ba agak. Di aspal tajajak kulit pisang, lalu tajungkang bakuang licak.
Ayoo....hati-hati pung lipung, pung lipung! ujar Palui nang ditatawakan ulih kawannya di warung Acil Inur. Imbah makan wadai dan minuman, buhannya lalu bubaran. (bpt/aan)
Terkait#Palui#Kisah si Palui
Source from: banjarmasin[dot]tribunews[dot]com
Artikel keren lainnya:
Belum ada tanggapan untuk "Pung-Pung, Lipung"
Post a Comment
Note: Only a member of this blog may post a comment.