 |
| Listrik Bahaupan |
sudah sapuluh tahun barumah tangga tapi sampai wayah ini palui masih haja umpat badiam di wadah mintuha.
padahal, anaknya sudah ampat ikung, ganal-ganal pulang.
imbah itu, rumah mintuhanya jua kada ganal banar.
padahal, di rumah itu, dua dangsanak bini palui jua baluman balain rumah.
akhirnya, rumah mintuha palui itu nang kaya pasar bila baisukan atawapas takumpulan.
pas parai an bagawi atawa sama-sama kadada gawian.
wan jua ngalihnya, bila batutukar makanan atawa wadai hagin anak bini kada kawa sadikit haja.
mintuha, dangsanak wan kamanakan harus ditukarakan jua.
jadinya, saharusnya wadai nang ditukar lima buting haja, kaputingannya tapaksa nukar 20 buting.
wayah ada urang nang manawari rumah nang ujar urang nyaman.
maka, salain rumahnya batunan, pambayarannya jua kawa bakaridit.
kabulujurannya, nang manawari itu garbus, kawan akrab palui.
jadi, dipikirakannya, kawa haraganya sadikit balain lawan urang.
rumahnya ini, lui ai, jalannya ada,
listriknya disiap akan wan lidingnya jua disadiaakan, ujar garbus mambujuki palui supaya hakun manukari.
bah, jaka aku balum baiisi rumah, pasti aku umpat jua manukari.
pasilitasnya langkap, maka kawa karidit pulang, ujar tulamak manambahi.
barapa garang parsakutnya supaya kaya mangaridit di situ? ujar palui manakuni garbus.
mun hagin ikam, dikurangi pada nang lain, sajuta haja gin.
kaina kawa kupadahan lawan pamburungnya, ikam tu kawan ku, ujar garbus.
ayuha, tapi aku handak malihat rumah nang sudah jadi dahulu, ujar palui.
amun kaya itu kahandak, ayu ai, ujar garbus langsung mambawai palui wan tulamak ka lokasi nang dipadahakan tadi.
pas sampai di parumahannya, palui tanganga, napa kanyataannya kada sasuai wan nang dipadahi garbus.
jalannya jauh wan liwar licaknya,
listriknya sabutingan meteran, dibagi gasan 20 buah rumah.
lalu ai inya paruris wan garbus.
tadi kupadahakan kalu, jalannya ada,
listrik disiapkan wan lidingnya jua disadia akan.
sabarataan ada kalu, jawab garbus.
hi-ih, nang saharusnya tu, jalannya mining, meteran
listriknya sabuting saurang wan lidingnya jua sabuting saurang.
kada nang bahaupan kaya ini pang," ujar palui manyahuti pulang.
amun bahaupan kaya itu, baik aku tatap umpat mintuha.
sama ha jua pada basamaan, ujar palui manambahi.
bujur lui ai, mun kaya ini, jaka aku balum baiisi rumah, pasti aku bapikir sapuluh kali manukari disini, ujar tulamak maasai pandirannya tadi.
bah, ikam ini, tadi handak banar manukari, kada lawas kada handak pulang.
ikam ini kada bapandirian, ujar garbus manumpalak tulamak.
jalannya nang kaya ini, hibak lubak wan dugul.
amun biniku batianan, bisa kaguguran kaina, ujar palui.
hi-ih lui ai, jangan hakun maambil disini.
ikam jua bus ai, purun banar manawi kawan rumah nang kaya ini, ujar tulamak mamadahi kaduanya.
(bpost/dd)
Source from: banjarmasin[dot]tribunews[dot]com
Belum ada tanggapan untuk "Listrik Bahaupan"
Post a Comment
Note: Only a member of this blog may post a comment.