 |
| Katulangan Tanduk |
siang itu anak palui bukah mangincang ampah ka gardu.
imbah parak langsung kukuciak inya mangiyau garbus wan tulamak nang kada lain pada kakawalan abahnya saurang.
napa tung? ada napa? ujar garbus wan tulamak takajut-kajut.
abah ulun
katulangan, ujar anak palui pina sadih.
katulangan napa? ujar garbus umpat manyurung pander.
paling-paling
katulangan tulang iwak hasil unjunannya samalam, sahut tulamak.
abahku
katulangan tanduk, ujar anak palui.
kada mungkin
katulangan tanduk, kukira
katulangan tulang iwak haruan nang ganal samalam, ujar tulamak kada parcaya.
bubuhannya bagagas tulakan ka rumah palui dan takajut banar wayah mandangar palui gagaluak muak.
nah, itu abahku muak tarus, ujar anaknya.
ikam
katulangan napa lui? ujar bubuhannya.
aku
katulangan tanduk, ujar palui pina sadih sambil mamusut gulunya.
ikam ini macam-macam haja lui ai, urang
katulangan itu paling-paling tulang iwak.
kada mungkin ada urang
katulangan tanduk, tanduk sapi atawa tanduk menjangan, kada mungkin lui ai, ujar garbus.
bujur bus ai, aku
katulangan tanduk, ujar palui.
tanduk napa lui? ujar garbus.
aku
katulangan tanduk gading gajah, ujar palui pina sarut.
gading gajah napa? ujar tulamak mahuhulut.
samalam aku baisian pipa ruku gading gajah nang panjangnya dua senti, wayah aku baruku sambil barabah-rabah, rukunya gugur wan gading itu tatagukku hingga tasangkang di rakungan, ujar palui sambil mamusut-musut gulunya.
gampang ubatnya lui ai, ayu ikam baduduk, jangan takajut bila kusuntul matan balakang, ujar tulamak sambil bakajut mamukul balukuk palui.
palui takuriak kasakitan sambil pipa gadingnya maluncat matan muntung palui.
tarima kasih banyaklah mak, tanyata suntulan ikam itu adalah ubat
katulanganku, ujar palui mamuji tulamak sambil maringis maarit kasakitan.
(tam)
Source from: banjarmasin[dot]tribunews[dot]com
Artikel keren lainnya:
Belum ada tanggapan untuk "Katulangan Tanduk"
Post a Comment
Note: Only a member of this blog may post a comment.