Salah Tapsir

Salah Tapsir

palui tamasuk urang nang paling katuju mandatangi urang bacaramah wan babacaan.
asal inya tahu wadahnya, di mana haja didatanginya, baik siang atau pun malam.
apalagi bila inya mandangar bahwa tuan guru nang bacaramah itu adalah tuan guru kasanangannya.
aku himung banar wan ikam lui ai, wayah lagi halus sakulah di pasantren wan sudah tuha ini katuju mandangarakan urang babacaan, ujar garbus mamuji.
gasan sangu bus ai, basangu harta kada baisian maka basangu ilmu gasan akhirat haja nang disasahi, ujar palui.
hau, kanapa maka baju wan tapih ikam pina bacalimut wan lucak lui? apakah ikam disasahi urang? ujar tulamak.
aku hanyar datang mandangarakan urang batabliq babacaan di masigit, gurunya guru pasantren matan gambut.
rami banar kisahnya mak ai, ujar palui.
kalu datang di masigit kanapa maka baju salawar wan sapida ikam hibak wan licak? ujar garbus umpat batakun.
tarus tarang haja aku maumpati amalan guru itu bahwa kita hidup ini harus bajalan lurus, insya allah masuk surga, ujar palui mayakini banar.
tapi napa kaitannya ajaran guru itu wan ikam bacalumut lucak sa-awakan? ujar tulamak.
karna patuh maumpati nasihat guru itulah aku kaya ini jadinya.
ujar sidin bajalan harus lurus, makanya wayah bulik matan masigit imbah isya tadi aku basapida, hari pina baribisan dan aku bujur-bujur bajalan lurus mamatuhi ajaran sidin itu.
eee .
.
.
sakalinya wayah aku bajalan lurus itu babarapa kali tacalubuk ka dalam luang jalanan nang balucak itu, wayah handak manyingkir ka kiri atawa ka kakan lalu kaingatan nasihat harus bajalan lurus maka tapaksa kutarusakan bajalan lurus itu walaupun balicak-licak dan batisku bagurai-gurai kana rumput dan kana batu, ujar palui pina sadih.
ikam itu tasalah manapsirakan nasihat guru, bajalan lurus itu artinya kita harus jujur, kada manyaleweng, kada pangaramput, kada kkn, kada pungli, kada memeras, ujar garbus.
ayu ja, biar haja awak balicak-licak, bagurai-gurai wan babangkak-bangkak batis tapi pahala mandangarakan urang babacaan itu insya allah kada hilang, ujar palui manyahut baulah alasan kada hakun kalah.
(emhati/rep)


Source from: banjarmasin[dot]tribunews[dot]com

Tweet

Jangan sampai ketinggalan postingan-postingan terbaik dari Portal Berita Online Kalimantan. Berlangganan melalui email sekarang juga:

Atau sobat juga bisa follow Portal Berita Online Kalimantan dengan mengklik tombol di bawah ini:

Artikel keren lainnya:

Ditulis oleh laso pada tanggal Saturday, March 23, 2013