|
Maambilakan Raput |
baisukan itu palui sawat banar bangun, imbah tuntung sambahyang subuh inya langsung babaju, nginum kupi lalu bapadah tulak ka sakulahan wan bininya.
sampai di sakulahan, sudah banyak kakawalannya nang sama-sama handak ma-ambilakan buku rapor anaknya, lalu palui umpat jua duduk di ruangan mahadang kapala sakulahnya.
kada lawas mahadang lalu bubuhan guru-gurunya mambagi rapor.
imbah dibagi, palui langsung mambuka rapor anaknya dan.
.
.
.
.
.
inya takajut banar karna banyak angka habangnya dan anaknya kada naik kalas.
sambil manggitir palui mamaraki kapala sakulahnya dan baucap: "umpat batakunlah pak kapala sakulah, kanapa maka anakku kada naik," ujar palui.
"katuju banar kami bila urang tuha kakanakan batakun kanapa maka nilai rapor anaknya habang dan kada naik kalas," ujar kapala sakulah.
"sapangatahuanku anak kami itu di rumah rajin banar balajar mulai kamarian sampai pukul sapuluh.
kada dibariakan manuntun tivi sampai tangah malam.
jadi apakah anakku itu nakal di sakulahan," ujarnya.
"anak sampiyan kada nakal," sahut gurunya.
"apakah inya katuju bakalahi di sakulahan," ujar palui.
"kami lihat anak sampiyan itu ambak banar kada biasa bakalahi," ujar guru nang lainnya.
"atau anakku ini rancak kada masuk dan katuju mambolos?" ujar palui mahimati batakun.
"saban hari kami lihat anak sampiyan itu masuk sakulah tarus kada biasa bolos, bahkan wayah jam istirahat pun inya tatap haja duduk badiam di dalam kelas," sahut guru kelasnya.
"kalu kaya itu napa alasannya maka anakku banyak habang nilai rapornya wan kanapa kada naik kalas," ujar palui pina mulai sarik.
"mustinya kadada alasan inya kada naik, karna inya kada nakal, kada biasa mambolos.
kada biasa ba-ruku, masuk sakulah tarus bahkan wayah kakawalannya istirahat inya badiam di dalam kelas haja," ujar palui makin handak tahu alasannya.
"anak sampiyan itu bujur-bujur pandiam banar," ujar gurunya.
"nahhh.
.
.
.
.
.
jalas-jalas anakku pandiam, kanapa maka kada naik kelas? kanapa kakawalannya nang galu, ribut, nakal malah naik kalas?" sahut palui.
"anak sampiyan itu pandiam banar, wayah dibari tugas inya badiam haja, disuruh mambaca badiam jua kada saling ucapan, disuruh kamuka kalas kada saling garakan tatap badudukan di kursi, disurungi sual.
.
.
.
.
.
.
.
.
kada manjawab tatap badiam," ujar kapala sakulah manjalasakan.
"ooooo.
.
.
.
.
.
.
.
pandiam kaya itukah maka anakku kada naik kalas, kalu kaya itu sama banar wan abahnya," sahut palui bagamat mangakui kasalahannya.
(tam)
Source from: banjarmasin[dot]tribunews[dot]com
Belum ada tanggapan untuk "Maambilakan Raput"
Post a Comment
Note: Only a member of this blog may post a comment.