 |
| Takuahi Es Campur |
wayah habis mangatam tadi bubuhannya tulakan bajalanan ka banjar.
salain handak mailangi kaluarga wan kakawalan lawas, bubuhannya handak jua marasani masuk ka toko-toko ganal.
imbah puas bakuliling bubuhannya kipuh kalaparan.
apalagi si tulamak pina balisah banar satumat-satumat bapicik ka parut.
"kita makanan di warung pinggir jalan haja, supaya duit kita cukup gasan ungkus bulik ka kampung," ujar garbus.
"kita mancari warungnya nang parak wan urang bajual es karna aku haus banar.
aku mamasan es campur, makanannya iwak walut bapais, haruan baubar wan gangannya kaladi basantan," ujar tulamak.
"cucuk kahandakku mak ai.
aku mamasan patin bapais wan papuyu babanam lawan gangannya sama nang dipasan tulamak, gangan kaladi basantan," ujar palui.
imbah samunyaan pasanan sudah tasadia, hibak di hadapan maka ramilah bubuhannya mulai makanan.
garbus kada saling ucapan lagi langsung mahantup patin babanam nang dicalapnya ka dalam sambal, lalu babarapa kali bahiut karna kapadasan.
"kaya apa rasanya gangan kaladi ikam lui?" ujar tulamak manakuni palui.
"sasuai liurku, kuahnya lamak wan kaladinya hapuk," ujar palui manyahut.
"kanapa maka gangan kaladiku manis-manis wan dingin, bahanu barasa nangka, ada agar-agar wan kulang-kalingnya," ujar tulamak.
"kada mungkin gangan kaladi bakulang-kaling wan dingin, padahal kuahnya masih bakukus panas," ujar palui.
"ini nah, cuba rasani," ujar tulamak manyuruh palui.
"wah, waahhhh.
.
.
dasar ikam tulamak ganal awak haja, ikam tasalah manguahi.
gangan kaladi adalah nang di subalah kanan tangan ikam itu, sadangkan nang ikam kuwahakan ka nasi itu adalah es campur nang ikam pasan tadi," ujar palui mangalakak tatawa.
"kada salahku lui ai karna mangkuk es campur wan mangkuk gangan kaladi sama banar, jadi aku hanya tasalah ambil," ujar tulamak kada hakun kalah makan masakan banjar bakuah es campur.
emhati (repro)
Source from: banjarmasin[dot]tribunews[dot]com
Artikel keren lainnya:
Belum ada tanggapan untuk "Takuahi Es Campur"
Post a Comment
Note: Only a member of this blog may post a comment.