Tajuhut Burut

Tajuhut Burut

palui wayah ini baisian kasibukan hanyar lagi, salain bajualan di pasar inya wayah ini katuju baulahraga main tenis.
mulanya inya jadi sasuruhan wan tukang ambilakan bola haja.
imbah itu wayah urang istirahat inya lalu balajar batapakan.
rupanya palui dikatujui ulih bubuhannya, makanya ada haja nang kasihan lalu inya dibari raket buruk.
lalu imbah itu inya dibari urang bal nang sudah lisit wan ada jua nang mambari sapatu.
bujur haja sudah buruk, tapi ujar urang masih kawa dipalar.
"tenis itu ulahraga bubuhan urang sugih mak ai," ujar palui baagak.
"ooo.
.
baarti ikam ini tamasuk urang sugih jua lah lui," ujar garbus.
"kada jua pang, tapi samunyaan kawalku di lapangan rata-rata bubuhan urang badahi sabarataan, paling randah pagawai nagri eselon tiga," ujar palui.
"napa eselon itu lui? apakah nangkaya kalas di sakulahan itu lah?" ujar tulamak.
"kurang labih nangkaya itu lah mak ai," ujar palui.
rupanya inya kada tahu jua artinya.
"tapi biar gawianku cuma bajualan di pasar wan pandidikanku lulusan sd tapi kalu di lapangan aku paharatnya, paling pintar manapak wan manyamis.
"tapi kanapa lui samalam aku lihat bal nang ikam tapak takaluar garis dan takaluar lapangan tarus," ujar tulamak.
"ooo.
.
.
itu kada salah pukulan dan tangkisanku mak ai.
balnya takaluar tarus karna lapangan tenisnya kurang luas alias kakipitan," ujar palui baulah alasan.
"kalu sual main tenis itu, aku biasa jua malihat palui takuriak hingga siup wayah maambil bal," ujar garbus.
"kalu cuma maambil bal, kada mungkin palui takuriak apalagi sampai siup," ujar tulamak mangaramputakan.
"bujurkah lui ikam biasa siup wayah maambil bal?" ujar tulamak manakuni palui.
"hi-ih, bujuran aku biasa siup batangah hari wayah maambil bal tenis itu," ujar palui mangaku.
"kanapa panyababnya lui?" gasak tulamak.
"wayah main tenis itu kita disadiakan dua bigi bal, sabigi gasan dipukul wan sabiginya disipam di kantung.
karna salawarku kada bakantung maka kusisipakan ka dalam salawar.
apalagi salawarku kantat jadi kada gugur.
wayah handak mamukul bal kadua itu aku manjuhut bal nang ada dalam salawar.
rupanya bal itu taputar ka bawah ingkangku, imbah kujapai lalu langsung kujuhut.
akai, akaaii.
.
.
aduh, aduh sakitnya.
.
.
.
wayah itulah aku siup sampai batangah hari.
""napa panyababnya lui?" ujar tulamak balum paham.
"panyababnya adalah karna palui tajuhut wan tasintak burutnya saurang gancang banar hingga takuriak," ujar garbus maungkai panyakit palui.
(ivd/mht)


Source from: banjarmasin[dot]tribunews[dot]com

Tweet

Jangan sampai ketinggalan postingan-postingan terbaik dari Portal Berita Online Kalimantan. Berlangganan melalui email sekarang juga:

Atau sobat juga bisa follow Portal Berita Online Kalimantan dengan mengklik tombol di bawah ini:

Artikel keren lainnya:

Ditulis oleh laso pada tanggal Tuesday, May 21, 2013