Batanam Pisang

Batanam Pisang

wayah takumpulan di gardu jaga maka bubuhan palui rami batukar pikiran tantang batanam pisang.
pasalnya pak camat wan pambakal maanjurakan supaya warga rami-rami mananam puhun buah-buahan, tamasuk pisang nang bamanfaat buat kasihatan masyarakat.
si palui katua rt batakun kapada tuhirang; "ikam wal, sudahkah menanam, pisang apa?"pisang talas", ujar tuhirang manyahut.
"aku balajar wan julakku di paringin, bahwa pisang talas paling baik dijual lakas payu atawa di makan saurang nyaman.
si tulamak manjawab jua bahwa ia mananam pisang mahuli wan pisang amas.
ujarnya, pisang mahuli wan pisang amas ini nyaman gasan cuci mulut.
"anak-anak kami katuju banar wan kulak pisang.
biniku jua bisa katagihan kulak pisang", ujar tulamak.
palui batakun jua kapada garbus kaya apa partisipasinya.
garbus menjawab sambil santai.
"aku batanam pisang susu 3 rapun, sudah babuah pisangnya montok-montok, aku garigitan, manisnya bukan main".
"biniku akur banar bakabun pisang susu ini", ujar garbus kahimungan.
"bila biniku manyurungi aku pisang susu.
.
.
.
.
waaah.
.
.
pindiknya titik liurku.
kumakan sabiji, handak dua, kumakan dua handak ampat.
bisa taparabut wan anakku nang masih susuan itu".
"umai, pintar banar bini ikam bus-ai" ujar palui dan ditatawakan ulih tulamak wan tuhirang.
mimang kita tanam pisang ini sebaiknya atas persatujuan bersama wan dinikmati bersama," ujar garbus, lalu mambulikkan pandir kepada palui selaku katua rt.
"nah.
.
.
kami sudah melaporkan kagiatan kami.
kaya apa tanaman pisang ikam lui?""aku jua sudah batanam pisang ramak rampu", jawab palui sarius.
"napa pisang ramak rampu itu, lui?" batakun tulamak.
artinya bamacam-macam pisang.
ada pisang walut, pisang lubuk, pisang susu, pisang pulau laut, pisang kepuk wan macam-macam lagi.
nitu ngarannya pisang ramak rampu.
"mari kita berpartisipasi batanam pisang, supaya kita swasembada pisang, demi penghijauan dan kesehatan lingkungan", ujar palui nang kaya mantri ppl ahli parpisangan.
palui manaruskan arahannya.
"kalu bibit pisangnya unggul pasti hasil buahnya jua baik wan unggul, asal dipupuk wan dirawat baikbaik".
parcayalah kawan-kawanku, bila batanam pisang manggala anaknya pasti manurun, ujar palui sarius.
"nah.
.
.
ini maka-am palui mangaramput, ujar garbus menciling-ciling.
amun batanam pisang manggala pasti tumbuhnya pisang manggala nang banyak biginya itu.
mustahil manggala jadi manurun.
nah ini ngarannya mustahil-mustahal kada masuk akal", ujar garbus.
"bah ikam tasalah tapsir bus-ai.
bahwa samuaan janis pisang, pasti manurunkan generasinya.
cuntuhnya pisang talas manurunkan generasi pisang talas.
pisang ambun manurunkan generasinya pisang ambun.
itu ngarannya generasi turun-tamurun.
pisang talas manurunkan pisang talas.
pisang susu manurunkan pisang susu, karena pisang susu nang capat ripu itu jadi manurun atas turun ke bawah.
"garbus, tuhirang wan tulamak mulai mangarti penjalasan si palui.
"nang ngarannya pisang pulau laut, atawa pisang kepok itu ialah pisang manurun, nang diulah gaguduh, pais, kulak, rimpi dan lainlain.
jadi kasimpulannya, ujar palui, selain manurunakan generasinya, tetapi jua karena memang ngarannya, "pisang manurun.
" aku kahada bakaramput, tapi ikam-ikam manapsirkan luput" ujar palui mangalakak.
pisang amas masak diguyang.
diguyang anak yatim piatu.
digugut layat, dibuang sayang.
sakalinya tamakan pisang timbatu.
(rep)


Source from: banjarmasin[dot]tribunews[dot]com

Tweet

Jangan sampai ketinggalan postingan-postingan terbaik dari Portal Berita Online Kalimantan. Berlangganan melalui email sekarang juga:

Atau sobat juga bisa follow Portal Berita Online Kalimantan dengan mengklik tombol di bawah ini:

Artikel keren lainnya:

Ditulis oleh laso pada tanggal Wednesday, May 1, 2013