 |
| Bagundul |
palui tamasuk nang lambat babini katimbang kakawalannya nang lain nangkaya tulamak, garbus wan tuhirang.
bubuhan kakawalannya itu samunyaan sudah baisian anak, bahkan si tuhirang haja manambah pulang saikung karna bininya sudah batianan parak dalapan bulan.
wayah ditakuni napa alasannya maka talambat kawin, palui musti manjawab bahwa inya baluman siap karna baluman baisian gawian tatap.
nangkaya apa kaina mambari makani anak urang, ujarnya.
"sabujurnya ulun handak haja lakas-lakas kaya urang jua tapi apa daya lun masih manganggur," ujar palui imbah ditakuni mamarinanya.
"kalu sudah babini, insya allah ada haja rajakinya kaina.
daripada buruk tagapit dan tuha-tuha taduduki, baiknya ikam basiap-siap haja karna bulan kaina kami juduhakan wan anak wak haji duraba," ujar mamarinanya.
imbah baminggu-mingu palui kawin, jarang kalihatan umpat badudukan di warung kaya biasanya, makanya bubuhan kakawalannya datang baelang ka rumah palui.
"kanapa imbah kawin ini ikam pina banyak bakurung dirumah lui? wan kanapa maka kapala ikam maka digundul?" ujar garbus.
"maklum haja panganten hanyar.
supaya jangan kalihatan barambut basah tarus, supan kalihatan mintuha," sahut palui.
"kalu supan wan mintuha maka mandilah subuh-subuh," ujar tumalak manyaranakan.
"sudah kucuba jua tapi aku kada tahan karna kadinginan banar," sahut palui.
"mana bini ikam, si zaleha lui? kami handak bapapatuhan wan bapapanderan ," ujar garbus.
"biniku di kamar kada nyaman awak gagaringan," sahut palui"jangan tatalu disayangi banar kaina kada patuh wan kami," ujar tulamak.
sambil pina kasisipuan palui babisik : "biniku supan kaluar, kada hakun ditamui," ujarnya.
"kanapa maka supan, kami ini alahan pada dangsanak ikam lagi," ujar garbus.
"inya supan kaluar karna.
.
.
karna kapalanya kugundul jua, supaya jangan katahuan bahwa kami badudua mandi basah tarus saban baisukan kamarian," sahut palui sambil lihum.
"pantasan ai aku lihat bini palui salawas kawin ini pina bajilbaban tarus kasana-kamari.
eee.
.
sakalinya kada marga baalim, tapi rupanya ada nang disambunyiakannya.
"itulah.
.
.
.
.
.
.
.
akibat karna kalalawasan maharit, makanya imbah kawin kada katahanan tapaksa siang malam malacak tarus," ujar garbus mahuhulut palui.
(bpt/tam)
Source from: banjarmasin[dot]tribunews[dot]com
Belum ada tanggapan untuk "Bagundul"
Post a Comment
Note: Only a member of this blog may post a comment.