Masin Jahit

Masin Jahit

parak batangah juta tulamak habis mambaiki sapida muturnya.
pinik kapalanya tahutang kasana kamari.
akhirnya tapikir jua inya saran palui nang manyuruh baganti hanyar.
makanya imbah baik langsung dijualnya sapida muturnya itu.
pahadangan mancariakan tambahannya, inya maujek mamakai sapida mutur mamarinanya.
imbah takumpul langsung inya ka rumah palui.
“duitku sudah takumpul lui ai, cukup hagan maanukar nang seken,” ujar tulamak.
“kanapa kada nang hanyar haja mak? wayahini banyak nang mangariditakan? ujar palui.
“aku takutan kalu aku mati badahulu, bini lawan anakku nang mananggungnya,” ujar tulamak.
“bujur jua pang ujar ikam tu mak ai.
bunyinya lain jua nang kuntan lawan karidit,” ujar palui manambahi.
“napa bidanya lui? ujar garbus manakuni.
“amun nang kontan bunyinya nyaman didangar, nyus-nyus.
.
.
tapi amun karidit bunyinya dit.
.
dit.
.
.
dit,” ujar palui tatawa.
“kira-kira adalah nang murah janis kaya ini lui? ujar tulamak manunjukakan gambar sapida mutur nang dikahandakinya.
“amun bakasnya kaya ini sakitar 7 juta-an,” ujar palui.
amun 7 juta-an duitku kada cukup,” ujar tulamak.
“barapa garang duit ikam? pakaikan ka uang muka haja dahulu, sisanya ikam karidit,” ujar garbus manyaranakan.
“bujur jua bus lah, duitku 6 juta jadi kurang sajuta lagi,” ujar tulamak.
“tapi saran ikam tapat banar, pina cardas ikam sakali ini.
”“ikam handak lah nang labih murah mak, sakitar sajutaan kurang?” ujar palui manakuni tulamak.
“kadada lui ai sapida mutur nang haraganya kurang pada sajuta? amun ada jua pasti kada basurat atau kandaraan curanmor,” ujar tulamak mangaramputakan.
“kalu sapida mutur curanmor aku kira kada kalu,” ujar palui.
“amun ada aku umpat manukar lui ai.
kada tanggung-tanggung aku nukar dua buah,” ujar garbus.
“aku manukar anam buah, sabuah gasan aku maujek, sabuah lagi gasan biniku tulak ka pasar, nang ampatnya ku siwaakan,” ujar tulamak.
“tapi masinnya masin jahit hakun lah bubuhan ikam? ujar palui mangalakak kawa mangalahakan tulamak wan garbus.
“makanya mancari sapida mutur tu jangan handak murahnya haja,” ujarnya pulang.
hinip bubuhannya kada sing bunyian lagi.
(bpt/fai)


Sumber: tribunews[dot]com

Tweet

Jangan sampai ketinggalan postingan-postingan terbaik dari Portal Berita Online Kalimantan. Berlangganan melalui email sekarang juga:

Atau sobat juga bisa follow Portal Berita Online Kalimantan dengan mengklik tombol di bawah ini:

Artikel keren lainnya:

Ditulis oleh laso pada tanggal Monday, March 18, 2013