 |
| Kursi Dewan |
lapang hinak garbus kawa jua sakalinya umpat bakampanye kaya urang, limbah dibantu tuhirang, palui wan tulamak.
biarpun caranya nang aneh, yaitu gambar garbus disalipakan dibotol ubat kuat tuhirang.
nang panting ujarnya pasannya sampai.
“napa lihum-lihum saurangan bus, parak kah sudah?” ujar palui.
“aku himung lui ai, urang banyak nang patuh lawan aku barakat bantuan bubuhan ikam,” ujar garbus.
“urang patuh lawan ikam kadanya calegnya bus ai, tapi kaingatan ikam nang jadi contoh ubat kuatnya tuhirang,” ujar palui manumpalak garbus.
“aku kada handak mamikirakan napa-napa, nang panting urang sanyum-sanyum lawan aku bila tatamu,” ujar garbus.
“sanyum haja ah, mun urang hanyar manamui ubat kuat cap caleg,” ujar palui pulang.
“ikam ini limbah manulung pina mahapak lagi, napa kahandak ikam?” ujar garbus sarik.
“aku manyuruh ikam jangan kahimungan dahulu, kalu satres kada tapilih, tuh di pal 18 sudah ada kamar gasan caleg-caleg nang satres,” ujar palui.
“bujur lui ai, aku sapandapat lawan ikam, jangan talalu baharap banyak bus ai, kaeana gila,” ujar tulamak datang bakajutan.
“napa buhan ikam tu pina aneh, samalam manulungi aku, hari ini mamadahi gila ujar garbus pina masam muha.
“ikam siaplah bus amun kalah atawa kada duduk di
kursi dpr? ujar tulamak manakuni garbus.
“aku insya allah siap mak ai, aku kada tapi bamudal jadi kada pacangan satres habis duit mun kalah,” ujar garbus.
“nah kaya itu ngarannya caleg nang harat, siap kalah jua,” ujar palui mahimungi pulang.
“ikam sadarlah nang dirabutakan bubuhan caleg tu sabujurnya
kursi sadikit haja,” ujar tulamak.
“tahu ai mak ai, jawab garbus.
nang dirabut akan paling salawi, urangnya baribu ikung.
”“ikam handaklah bus kada handak satres mun kada dapat
kursi atawa kalah? ujar palui manakuni.
“kaya apa caranya lui, biasanya ikam harat mambari saran,” ujar garbus panasaran.
“mun ikam kada dapat
kursi di pamilu kaena, bawa haja
kursi saurang matan rumah, limbah itu andak di gedung dewan sana.
tasarah ikam haja maandaknya, dimukakah, dibalakangkah, diluarkah.
kadada nang malarang,” ujar palui tatawa mangalakak.
“isuknya dimasukakan urang ka rumah sakit jiwa,” ujar tulamak manyambung sambil kalikikan tatawa.
“aku bulik haja sudah, buhan ikam pang mandoakan aku gila,” ujar garbus maraju.
(bpost/fai)
Sumber: tribunews[dot]com
Belum ada tanggapan untuk "Kursi Dewan"
Post a Comment
Note: Only a member of this blog may post a comment.