 |
| Mambujurakan Antina |
nang ngaran candu banar lawan main bal, palui bilang kada kawa tatinggal apabila ada partandingan nang disiarakan ulih televisi.
dalas basangu guring, digawinya apabila partandingan tadi disiarakan dinihari atawa subuh.
matan semalam siang palui sudah barancana handak manonton sipak bola nang disiarakan dini hari.
apalagi nang cagar main klub kasayangannya.
“pasti rami, rugi amun kada manonton,” ujar palui bapadah lawan kakawalannya.
maraga itu, limbah isya palui badadas naik ka ranjang, basangu guring.
rancananya inya bangun kira-kira pukul satangah tiga supaya kada tatinggal siaran main bal tadi.
kira-kira pukul satangah tiga dinihari, palui tabangun.
limbah babasuh muha wan bakukumur, inya ka dapur maulah kupi lalu bacari kukutupan gasan kawal manonton tv.
siap barataan diandak di mija halus, mulai inya malikit ruku laluai duduk di muka tv mahidupinya mamakai remot.
nang kaluar di tv-nya gambar samut, palui manggarunum.
“ini pasti kakanakan maubah-ubah satilan tv, makanya pina kada manangkap siaran”.
dipicik-piciknya remot, tapi samunyaan kadada nang takana siaran.
barataan samut bahabis nang kaluar.
panasaran, palui maambil ka buku patunjuk, dibacanya cara-caranya.
lalu dicubanya baasa matan pamulaan, tagal kada jua ada hasilnya.
“amun dicari-cari di remot kada mau jua baarti arah antenanya pasti nang taubah,” ujar palui dalam hati.
cangkal inya bamamalaman hari kaluar rumah lalu maambil tangga gasan banaik ka hatap.
“kada salah lagi, pasti taubah arahnya,” ujar palui lalu badadas inya naik ka atap.
“nah beres sudah?” ujar palui himung maraga tahu panyakitnya.
badadas pulang inya turun maambil remot lalu baduduk di muka tv.
tapi babaya handak mahidupi takajut banar inya imbah tahu tv-nya sudah kadada lagi di wadahnya.
.
.
“astaghfirullah!! ujarnya takipik banar.
.
langsung pucat muhanya.
kukuciak inya mangiyau bininya.
“ding.
.
.
.
, kamana tv kita?” ujar palui lawan bininya.
“napa maksud pian?” ujar bininya manyahuti matan kamar.
“tv kita kadada lagi.
.
” ujar palui.
“astaghfirullah! bujurkah abahnya? ujar bininya takajut jua.
“ini pasti ada nang kada biris,” ujar palui sambil hancap mamariksa ka lalungkang.
“samuan bakunci haja,” ucap palui limbah malihat kadada lalungkang nang bungkas.
imbah itu hanyar inya ingat wayah
mambujuri antena tadi lawang sawat babukaan, rupanya sawat maling manyalumur masuk maambil tv palui.
“kana aku sakali ini, disaluk maling sampai kada kawa manonton siaran bola.
.
.
.
.
.
” ujar palui lamah taduduk.
(bp/sug)
terkait #palui #palui, tulamak, garbus
baca juga
jangan takajut
biasa umpat apel
balilihan
kayi-kayi bahari
bulat jua
editor: dheny
sumber: banjarmasin post edisi cetak
tweet
)
Source from: banjarmasin[dot]tribunews[dot]com
Belum ada tanggapan untuk "Mambujurakan Antina"
Post a Comment
Note: Only a member of this blog may post a comment.