HARI Minggu kemarian Ongol sakit parut handak membuang hajat ke jamban. Saking handak keluarnya behancap ai masuk kedalam jamban. Tapi, inya ne mendangar ada suara nang aneh didalam jamban dihiga inya buang hajat. "Astagaaaa, mesum di dalam jamban neh," garunum Ongol. Kada berapa menit behancap am Ongol bebasuh dan keluar tumatan jamban.
Sekalinya Ongol behabar wan Haji Untat wan Anang Gabau. "Anu Ji, ada nang mesum didalam jamban," ujar Ongol pina semangat banaran. "Bujur ikam Ngol, bebaik ikam ne meigau," sahut Haji Untat. "Lun tadi kejamban, mendangar ada suara lagi itu tu ah. Behancap ai lun keluar. Langsung ai lun melapor pian," ujar Ongol mengisahkan panjang lebar. Akhirnya, buhannya percaya wan kisah si Ongol tadi.
Handap kisah, buhannya sama-sama mendatangi jamban nang ada disungai Kampung Liur. "Dijamban kedua Ji ai," ujar menunjuk kearah jamban nang ada dihujung. "Iyalah Ngol, kita datang kesana buktikan pander ikamlah," sahut Anang Gabau. "Okey bro," ujar Ongol pina semangat banaran.
Baya sampai dihadapan jamban nomor dua, buhan Haji Untat ne memang mendangar ada suara nang lagi mesum. "Bujur jar Ongol Ji ai, memang lun mendangar ada suara pang didalam jamban neh," ujar Anang Gabau bepadah wan Haji Untat. "Kalau memang bujur dobrak ja lawangnya," suruh sidin.
Pina semangat banar Ongol meninjak lawang jamban nomor dua tadi, lawangpun bungkas mata buhannya tebelalak. "Kedida siapa-siapa paan Ngol ai," ujar Anang Gabau. "Nah iya am, kedida paan lah, hehehehe," sahut Ongol pina supan muha.
Lalu Haji Untat masuk kedalam jamban, sidin mendapatkan hape bekamera teselip dihiga tawing. "Mungkin nang ini ne nang di maksud si Ongol. Hapenya hidup lagi diputar film porno. Makanya Ongol kira tadi ada nang mesum didalam jamban, sekalinya hape ne nang bebunyi," ujar sidin menjelaskan.
Apada, masam ai muha Ongol pas dijelaskan Haji Untat. "Itu hape Ongol Ji ai," ujar Anang Gabau. "Inggih Ji ai, ne anak lun am nang membawanya tadi. Pantas ai pas ulun handak memakainya kedida dirumah hape lun neh," sahut Ongol. "Sekalinya Ongol ne hobi jua nonton film nangkaya itu tu. Hua hahaha," ujar Anang Gabau.
Harau mengangkang bebuhannya mendangar pander Anang Gabau. "Itu ngarannya senjata makan tuan. Inya nang memadahi inya jua nang ampun hape to tadi," ujar Haji Untat menambahi. Apada, kada kawa bakulim lagi am si Ongol. Paksa ai hinip mendangar sambatannya bebuhannya. (fin)
Sumber : radarsampit.net
Belum ada tanggapan untuk "Mesum Di Jamban"
Post a Comment
Note: Only a member of this blog may post a comment.