Tali Asih

Tali Asih

barakat cangkal mahagai, ahirnya palui barhasil jua mandapatakan hati si zaleha.“palui ini mak ai tamasuk urang nang karas kamauan,” ujar garbus.“napa nang dipadahakan kamauan palui karas?” ujar tulamak batakun.“ikam tahu kalu mak bahwa palui ini saban hari malelek si zaleha, tapi kaluarga zaleha balum hakun manarima karna zaleha masih anum dan masih sakulah,” ujar garbus.“sabujurnya bukan kada hakun manarima bus ai, tapi bubuhan kaluarganya maminta bajuduh haja,” ujar palui.“lalu sudahlah bubuhan kaluarga ikam lui basusuluh, batampah atawa bapara sebagai tanda ikatan. ujar habar bubuhan kaluarga zaleha manyuruh sabalum rasmi harus diikat dahulu, caranya adalah mambari tali asih,” ujar tulamak.“basuluh dan batampah itulah nang cagar kami gawi. pamulaan nang tuha-tuha badatang mambawa tali asih sebagai ikatan sebagai tanda kada ka lain lagi,” ujar palui pina suka banar.“tapi lui ai, ikam harus hati-hati jua mambari ikatan itu, haraganya jangan talalu larang karna kakanakan wayah ini sudah mata duitan, walaupun sudah diikat bisa haja pagat dan inya bagandakan ka lain,” ujar tulamak mambari saran.“ikatanku ini murah haja, tapi cukup kuat dan si zaleha kada harapan lapas dariku,” ujar palui.“sudahlah ikam siapakan tali asih itu?” ujar garbus malihat palui pina mambawa bungkusan ganal.“sudah jua kupikirakan mak ai, makanya tali asihku ini pasti kuat, insya allah kada cagar pagat walaupun haragaya murah haja,” ujar palui.“bulihlah aku malihat barang tali asih nang sudah ikam tukar itu?” ujar tulamak.palui bagamat mambuka bungkusan sambil malihatakan barang nang ditukarnya sebagai tali asih.“ikam ini bujur-bujur buta kakap lui ai, pambabal, bego,” ujar garbus gagarunum imbah malihat isi bungkusan palui.“ikam pasti cagar dipadahakan mahina kaluarga zaleha karna maanggap bubuhannya sama wan kambing karna dibari tali. tali asih itu adalah antaran ikatan barupa barang atawa utas emas, jangan dibari tali nilon, tali rapia wan tali pramuka itu. manyupanakan banar kawal kita si buntat ini,” ujar tulamak wan garbus batandik-tandik manumpalak palui. (bpt/tam)


Sumber: tribunews[dot]com

Tweet

Artikel keren lainnya: