Sandal Kanangan

Sandal Kanangan

wayah /parak hari raya samalam, tulamak manukar sandal hanyar, tapi ulih palui dipadahakan lain sabalah. karnanya tapaksa inya hakun manjual sandal itu saparu haraga ka palui.sampai di rumah hanyar inya sadar, inya sudah dipakalahi ulih palui, sakalinya bujur haja lain sabalah, sabuting sabalah kiwa dan sabutingnya sabalah kanan."anggap haja ikam basadakah wan palui, karna sandal itu sudah ikam jual saparu haraga wan inya. apalagi palui hanyar datang matan baumrah, anggaplah sudah bahuruf wan sajadah pambariannya" ujar garbus mandinginakan hati tulamak."mustinya kalu inya hanyar datang umrah pasti kada hakun bakaramput mamadahakan sandalku lain sabalah" ujar tulamak masih mangkal hatinya."ikam handaklah mangalahakan palui, sual sandal jua ?" ujar garbus handak malawanakan tulamak."kaya apa caranya bus ??" sahut tulamak manggasak."cuba ikam itihi, satiap palui tulak ka masigit pasti sandalnya lain sabalah jua.sandal kanannya batali biru dan sandal kiwanya batali hijau. inya itu bujur-bujur mangalilu," ujar garbus."hi ih-lah bus, bujur ujar ikam sandal palui lain sabalah," ujar tulamak imbah inya maitihi sandal nang dipakai palui."uuiii. lui, sakali ini kada aku nang bungul tapi ikam nang bangak, kaina ikam dipadahakan urang bubungulan, kada waras kalu mamakai sandal lain sabalah, sabalah batali hijau dan sabalahnya batali biru" ujar tulamak mahuhulut palui imbah inya maitihi sandal palui."aku paham haja maksud ikam itu mak ai, handak mambalas kakalahan ikam samalam. aku handak batakun wan ikam, napa gunanya sandal?. sandal pasti gasan malapisi batis supaya jangan kapanasan dan supaya jangan rigat" ujar palui manjawab saurang."tapi kalu sandal balang talinya lain sabalah, sama artinya kada waras" ujar tulamak mambalas."sandalku ini ada riwayatnya mak ai, ada kenangan hususnya dan kada kulupakan sampai ahir hayatku" ujar palui ba-agak. "kanangan wan riwayat napa lui ?" ujar  garbus umpat batakun handak tahu."sandalku nang lain sabalah ini adalah pangganti sandalku nang baik karna kada kawa mancari lagi wayah aku sambahyang di masjidil haram.karna kada kawa mancarii lagi maka aku tapaksa bapadah umpat mainjam sandal nang bamacam-macam bahamburan bakarung-karung di halaman masigit itu. biar lain sabalah tapi tatap cucuk haja pasangan kirikanannya.sebagai kanangan maka langsung kubawa bulik ka banua. mudahan ihlas haja nang ampunnya, karna akupun ihlas jua sandalku nang hilang itu di waris dan dipakai urang" ujar palui bakisah mangoyoi tulamak. (bpt/tam)/ )
sumber: tribunews.com

Tweet

Artikel keren lainnya: