Ilustrasi Palui
URANG kampung wadah Palui tumbur. Di buncu-buncu kampung rami urang mamandirakan Palui nang handak babini pulang. Nang dipandirakan makalaham bilang pusang banar mamikirakan siapa nang mahambur kisah.
Aku mandangar saurang Palui pas malam Jumahat tadi bakuciak sing nyaringan wan bininya. Aku handak bamadu ujarnya, ucap Garbus mambuka kisah rahat bapandiran wan Tulamak wan Tuhirang di warung.
Tulamak wan Tuhirang tanganga-nganga mandangarakan Garbus mangisahakan Palui pina maanduh-anduh. Malam isuknya aku mandangar pulang Palui bakuciak sing nyaringan. Aku handak maanumi ujarnya matan di dapur. Bininya maiihakan tarus pas Palui bakuciak tu, ungkai Garbus.
Kabalujuran rumah Garbus wan rumah Palui tu bahalat dinding haja, makanya Garbus pina tahu banar. Mandangar bini Palui maiihakan, maginnya Tulamak wan Tuhirang parcaya Palui handak babini pulang.
Rahat buhannya bakisahan, Palui cangul. Muhanya pina kada basumangat sama sakali. Nyata banar inya mamikirakan urang kampung nang mamandirakan inya handak kawin pulang.
Lui, bujur kah ikam handak kawin pulang? Tuhirang bagamat batakun. Palui langsung manciling.
“Siapa kah nang mahambur fitnah ini. Biniku kada mau lagi digatuk-gatuk, disangkanya bujuran, ujar Palui. Lawas kakawanan Palui hinip mandangar Palui pina sarik.
Rasa kada nyaman wan rasa takutan, Garbus kaputingannya mambuka pandir. Bujur ai kalu lui?
Aku malam jumahat tadi ada mandangar ikam baucap lawan bini ikam bahawa ikam handak bamadu, ucap Garbus sambil batunduk.
Balum sawat Palui manyahuti Garbus baujar pulang. Malam isuknya, ikam baucap pulang wan bini ikam bahawa ikam handak maanumi. Bini ikam wayah itu maiihakan jua, ujar Garbus.
Mandangar tatakunan Garbus, Palui sawat maingatingatakan. Imbah itu Palui takurihing sing lawasan. Si Suanang ini pang sakalinya nang mahambur fitnah. Nang ikam dangar tu bujur haja tagal ikam salah artiakan, ujar Palui manyahuti.
Aku bapadah handak bamadu tu, aku minta biniku mambuati madu ka hintalu satangah masak nang kuminta. Kadanya handak mamadu biniku pang, ujar Palui pulang. Mandangar itu Garbus hinip kada sing bunyian.
Nang bapadah maanumi tu pang Lui? jar Garbus bagamat batakun.
Aku bapadah handak maanumi tu bujur jua. Tagal kadanya aku handak babini anum. Tapi aku handak maanu mi, atau maharu mi atau baulah mi gasan dimakan malam tu, ucap Palui manjalasakan.
Tulamak wan Tuhirang unggut-unggut sambil tatawa. Garbus makin katakutanan. Salah paham am aku Lui ai. Kukira ikam handak maanumi atau babini anum, ujar Garbus.
Wahinian jua ikam datangi ka rumah mintuhaku, jalasakan wan biniku di sana imbah itu suruhakan inya bulik. Amun kada kawa, ikam jangan bulik! Palui tadangar sarik.
Garbus mahancap mamuruk sandal, tulak ka rumah mintuha Palui. Tulamak wan Tuhirang tatawa mangalakak malihat Garbus galapah galupuh bukah malihat Palui sarik. Napa urang handak baulah mi dipadahakan handak babini anum. (bpost/ofy)
Aku mandangar saurang Palui pas malam Jumahat tadi bakuciak sing nyaringan wan bininya. Aku handak bamadu ujarnya, ucap Garbus mambuka kisah rahat bapandiran wan Tulamak wan Tuhirang di warung.
Tulamak wan Tuhirang tanganga-nganga mandangarakan Garbus mangisahakan Palui pina maanduh-anduh. Malam isuknya aku mandangar pulang Palui bakuciak sing nyaringan. Aku handak maanumi ujarnya matan di dapur. Bininya maiihakan tarus pas Palui bakuciak tu, ungkai Garbus.
Kabalujuran rumah Garbus wan rumah Palui tu bahalat dinding haja, makanya Garbus pina tahu banar. Mandangar bini Palui maiihakan, maginnya Tulamak wan Tuhirang parcaya Palui handak babini pulang.
Rahat buhannya bakisahan, Palui cangul. Muhanya pina kada basumangat sama sakali. Nyata banar inya mamikirakan urang kampung nang mamandirakan inya handak kawin pulang.
Lui, bujur kah ikam handak kawin pulang? Tuhirang bagamat batakun. Palui langsung manciling.
“Siapa kah nang mahambur fitnah ini. Biniku kada mau lagi digatuk-gatuk, disangkanya bujuran, ujar Palui. Lawas kakawanan Palui hinip mandangar Palui pina sarik.
Rasa kada nyaman wan rasa takutan, Garbus kaputingannya mambuka pandir. Bujur ai kalu lui?
Aku malam jumahat tadi ada mandangar ikam baucap lawan bini ikam bahawa ikam handak bamadu, ucap Garbus sambil batunduk.
Balum sawat Palui manyahuti Garbus baujar pulang. Malam isuknya, ikam baucap pulang wan bini ikam bahawa ikam handak maanumi. Bini ikam wayah itu maiihakan jua, ujar Garbus.
Mandangar tatakunan Garbus, Palui sawat maingatingatakan. Imbah itu Palui takurihing sing lawasan. Si Suanang ini pang sakalinya nang mahambur fitnah. Nang ikam dangar tu bujur haja tagal ikam salah artiakan, ujar Palui manyahuti.
Aku bapadah handak bamadu tu, aku minta biniku mambuati madu ka hintalu satangah masak nang kuminta. Kadanya handak mamadu biniku pang, ujar Palui pulang. Mandangar itu Garbus hinip kada sing bunyian.
Nang bapadah maanumi tu pang Lui? jar Garbus bagamat batakun.
Aku bapadah handak maanumi tu bujur jua. Tagal kadanya aku handak babini anum. Tapi aku handak maanu mi, atau maharu mi atau baulah mi gasan dimakan malam tu, ucap Palui manjalasakan.
Tulamak wan Tuhirang unggut-unggut sambil tatawa. Garbus makin katakutanan. Salah paham am aku Lui ai. Kukira ikam handak maanumi atau babini anum, ujar Garbus.
Wahinian jua ikam datangi ka rumah mintuhaku, jalasakan wan biniku di sana imbah itu suruhakan inya bulik. Amun kada kawa, ikam jangan bulik! Palui tadangar sarik.
Garbus mahancap mamuruk sandal, tulak ka rumah mintuha Palui. Tulamak wan Tuhirang tatawa mangalakak malihat Garbus galapah galupuh bukah malihat Palui sarik. Napa urang handak baulah mi dipadahakan handak babini anum. (bpost/ofy)
Sumber: tribunews.com
Belum ada tanggapan untuk "Handak Maanumi"
Post a Comment
Note: Only a member of this blog may post a comment.