Tupi Habang

Tupi Habang

wayah lagi anum dahulu saban kamarian sabtu palui mandatangi rumah gandaknya si zaleha.
tujuannya kada lain handak bapapanderan, badandam-dandam, karna kada bulih dibawai bajalanan.
tapi di rumah itu inya kada bibas jua karna selalu diawasi abah umanya nang panyarikan.
“kaya apa cara ikam mahadapi abah umanya nang tarus-tarusan maawasi wan mancampuri itu lui?” ujar tulamak batakun.
“ku akali mak ai.
satiap bailang ka sana kubawaakan kuwaci karna sidin katuju banar mangitih kuwaci bigi waluh.
karna sidin asyik banar lalu kada sawat mancampuri kami,” ujar palui.
“ha.
.
ha.
.
.
dasar raja akal ikam tu lui ai,” ujar garbus maakui.
“tapi ada lagi nang katuju mangganggu, mahahaur kami,” ujar palui manambahi.
“siapa lagi nang rancak mangganggu itu?” ujar tulamak.
“nang rancak mangganggu itu adalah kamanakannya nang baumur lima tahun, kada saling pisahan wan mamarinanya itu.
tapi ahirnya bisa jua ku akali.
namun kakanakan itu tanyata bisa ma-akali bahkan mambunguli aku,” ujar palui.
“kaya apa caranya lui?” ujar garbus.
“mula-mula inya kusuruh badiri di halaman mahadap jalanan sambil mahitung urang nang batupi habang.
bila inya malihat satiap urang nang batupi habang kubari lima ratus rupiah.
makanya dua talu kali inya bulang bulik managih bahabar ada nang batupi habang, lalu kubari rp 500.
biar haja aku barugi duit asal aman,” ujar palui.
“banyaklah lui ikam harus mangaluarakan duit?” ujar tulamak.
“wayah itu kamanakannya bahabar pulang ada urang batupi habang lalu aku ditagihnya sampai habis rp 50.
000,” ujar palui.
“umai banyaknya lui sampai rp 50.
000, apakah ikam dikaramputinya ?” ujar garbus.
“eee.
.
.
bujuran bus ai, nang batupi habang itu jumlahnya ratusan urang karna nang liwat itu adalah barisan urang handak bademo,” ujar palui kakalahan tapaksa mambayar.
(emhati/rep)




googletag.
cmd.
push(function() { googletag.
display('div-banjarmasin-article-bottom-signature'); });
)
Source from: banjarmasin[dot]tribunews[dot]com

Tweet

Artikel keren lainnya: