 |
| Tabalas |
PRIIITTTT!... Saling nyaringan pariwit pulisi di higa talinga Palui. Liwar nyaringnya sampai kandaraan Palui handak rabah. Selamat siang pak. Bisa lihat SIMnya, ujar pulisi bapandir wan Palui.Marasa kada baisian SIM, Palui ditilang pulisi. Terpaksa sepeda motor kami sita, ujar pulisi tu. Masam ha muha Palui. Tapaksa inya bulik bajalan. Sampai habis magrib, Palui masih taungut di muka rumah mamikirakan kandaraannya nang ditilang pulisi.Sangkal banar rupanya Palui sampai dingin kupi di mija kada takinum lagi. Muha pulisi nang manilang asa kada mau hilang pada kapala Palui. Ada haja balasannya kaina, ujar Palui gagarunum.Rahat Palui mangalamun, Aluh, anak Palui nang bibinian pina kahimungan saurangan.Inya basurui sambil banyanyi-nyanyi di dalam kamar parak Palui duduk.Umai bilang himung banar. Kada tahu kuwitan lagi pusang, ujar Palui mahinggur Aluh.Ada kawan ulun lalakian handak datang bah ai. Malam ini malam Minggu, bulih haja kalu bah. Kada baapa-apa jua, bajalanan banar ai, sahut Aluh sambil maminta izin.Kada lawas imbah itu, ada bunyi darudutan sapida mutur masuk ka halaman rumah Palui.Lalakian nang basapida mutur tu turun, mamacul ka hilim lalu mambawa kantungan palastik mamaraki Palui. Hancap Palui badiri. Asa pinandu aku lawan urang ni, ujar Palui dalam hati.Maaf pak, Aluh-nya ada? ujarnya batakun wan Palui.Bah, iya banar. Pulisi nang manilang aku siang tadi! ujar Palui dalam hati. Kawan Aluh tu takajut jua rahat malihat Palui.Ada kaparluan apa? ujar Palui pina nyaring.Kawan Aluh tu takajut banar, inya gitir-gitir malihat Palui pina kurihing-kurihing. Sadar kalu pina digawinya Palui.Bisa malihat SIM lawan kantungan palastik itu, ujar Palui.Marasa baisian SIM, kawan Aluh tu lalu manjulung SIM wan kantungan palastik baisi martabak ka Palui.Imbah maniring SIM pulisi tu, Palui baucap pulang. Bukan SIM ini, tapi Surat Izin Mpacaran.Karana ikam kadada baisi maka palastik ini kusita. Ikam bulih bulik, ujar Palui sambil maambil kantungan di tangan kawan Aluh tu.Kawannya Aluh tu kada kawa baapa-apa lagi, sunyi garutuk tu pang. Inya lalu bulik marasa dipakalah Palui.Ham tabalas kalu. Ada martabak mangawani kupiku, ujar Palui liwar Himungnya sambil manyuap martabak hasil tilangannya.Di dalam kamar, Aluh nang kada tahu kisah masih bapupur sambil banyanyi mahadangi kawannya datang. Kada tahu pang kalu kawannya nang pulisi tu sudah ditilang Palui. (rep/ofy)
Terkait#Palui#Kisah si Palui
Source from: banjarmasin[dot]tribunews[dot]com
Belum ada tanggapan untuk "Tabalas"
Post a Comment
Note: Only a member of this blog may post a comment.