Talu Biji Durian

Talu Biji Durian

panjang umur bubuhannya imbah tahun ini tatamu musim buah, musim buah durian nang dikatujui banar ulih bubuhan palui sapakawanan.
“bisa kada tarasani durian tahun ini,” ujar garbus.
“kanapa maka ikam baucap kaya itu bus, apakah ikam mambuang parangai handak jiun?” ujar tulamak.
“kadanya karna handak jiun mak ai.
aku kada cagar tamakan durian itu karna kada kawa manukar sabab haraganya larang banar,” ujar garbus.
“buah durian ini adalah buah tahunan, cuma satahun sakali jadi bagaimanapun harus dirasani, dikakawaakan manukarnya,” ujar tulamak.
“kaya apa kalu kita batuturuk duit manukarnya.
manukar sabiji nang ganal lalu kita makan badua,” ujar garbus mambawai.
“kalu cuma handak marasani kada usah nang ganal, cukup nang panangah haja.
kalu nang ganal haraganya larang dan kaina kita kabanyakan makan durian.
kalu kabanyakan makan durian babahaya, awak bisa panas dan mampangaruhi jantung dan bisa jua jadi panyakit kolestrol,” ujar tulamak pina saraba tahu.
“hi-ih, aku paham karna awak ikam sudah lamak jadi takutan kalu batambah kolestrolnya,” sahut garbus sambil manyuruh mulai mamakan durian yang sudah dikuyak tulamak.
“aku kada tahan bus ai, aku bakalah, hanya kawa mamakan dua bigi haja, rasanya mangit banar,” ujar tulamak manyarah manyuruh garbus mahabisakannya.
imbah tuntung mamakan durian itu, garbus wan tulamak batamuan wan palui.
“bubuhan ikam ini talanjur purun kada babawaan mamakan durian.
kada usah bakaramput mak ai, aku mancium haja baunya,” ujar palui manyindir.
“tadi ikam kami cari tapi balum cangul maka tapaksa kami tinggalakan.
si tulamak kawal kita ini tadi habis dua bigi,” ujar garbus.
“kalu cuma dua atawa talu biji, keciilll.
.
.
bus ai,” ujar palui mamahapak tulamak.
“kalu garbus atawa tulamak cuma sanggup sabiji atau dua biji maka aku sanggup labih dari itu, sanggup sampai talu atawa ampat biji.
ayu iringi aku, saksiakan kita bakakuatan mamakan durian,” ujar palui baagak lalu manukar ampat bigi durian dan langsung mamakannya.
“sabiji.
.
.
sudah habis, dua biji.
.
.
habis jua dan ini nang katalu biji,” ujar palui pina manggah dan babuih-buih muntungnya.
lalu kada lawas inya lintuk kauyuhan, rabah kakanyangan.
“palui ini kada cuma kauyuhan mak ai, tapi inya siup.
ayu lakasi kita bawa ka puskesmas,” ujar garbus bagagas mangiyau bica.
“palui ini dasar rakus bus ai, baagak harat mamakan durian sampai talu biji mangalahakan kita.
padahal inya kita bunguli, kita cuma mamakan talu bigi isinya haja sadangkan palui dasar luar biasa kawa mahabisakan talu biji buahnya, pantas haja siup, mudahan jangan jiun,” ujar tulamak wan garbus taumpat sadih.
(emhati/rep)


terkait    #kisah si palui   #palui

baca juga



cucuk barataan


kursi dewan


garing salira


kamana mutur ikam?


gula habang






editor: dheny

sumber: banjarmasin post edisi cetak






tweet
)
Source from: banjarmasin[dot]tribunews[dot]com

Tweet

Jangan sampai ketinggalan postingan-postingan terbaik dari Portal Berita Online Kalimantan. Berlangganan melalui email sekarang juga:

Atau sobat juga bisa follow Portal Berita Online Kalimantan dengan mengklik tombol di bawah ini:

Artikel keren lainnya:

Ditulis oleh laso pada tanggal Thursday, February 6, 2014