 |
| Jamu Air Tarjun |
mungkin karna matan halus sudah tabiasa tahan bagadang, mandi di sungai wan bahujan bapanas di pahumaan maka palui wan kakawalannya sampai katuha kada panggaringan.
bila garing paling-paling salismaan wan batukan tapi garing nang kaya itupun kada diaritnya.
bila masuk angin dikaruk wan duit bacampur minyak lamak babawang, bila batukan nginum asam kamal, bila sakit parut cukup dikasai minyak gas.
pamarintah maanjurakan tiap rumah di kampung-kampung supaya maulah apotik hidup ujar palui.
napa itu apotik hidup lui, apakah aputik wadah bajual ubat nang hidup bisa bagarak wan bajalan saurang? ujar tulamak batakun.
apotik hidup artinya tanam-tanaman nang ada hasiatnya gasan kasihatan kaya laus, sarai, tipakan, raja bangun-bangun, kambang kanikir, sup-supan macam-macamlah ujar katua rt si palui.
kalu aku daripada bangalih-ngalih batanam macam-macam labih baik manukar ubatnya haja di warung, asal ada duit beres ujar garbus.
nah, gara-gara ikam manukar ubat kada tahu manfaatnya itulah maka ikam parak mati sahut palui manunjuk garbus.
bujur ujar ikam itu lui ai, samalam baminggu-minggu tuhirang ngalih bakamih lalu inya kusuruh nginum air mancur.
sakalinya imbah dinginumnya sabungkus haja sudah lucut banar, kada saling ampihan bakamih tarus sampai wayah ini ujar garbus.
napa sababnya bus maka bisa kaya itu, kasihan tuhirang.
sakalinya tuhirang tanginum
jamu air tarjun, labih karas daripada air mancur sahut garbus mangalalak tatawa.
tapi lain pangalaman mintuhaku ujar tulamak.
mintuhaku itu dianjurakan urang supaya jalan batis santai, tapi kada kawa umpat karna sidin baisian panyakit rematik, sakit tulang.
lalu ulih mintuha bini, sidin disuruh manukar ubat cap tiga batis, eeeee.
.
.
.
.
.
.
.
.
.
sakalinya balum habis satangah lusin sudah kawa bajalan kahulu-kahilir bahkan sampai tapamalam di pal 18 ujar tulamak mambalas pandiran garbus.
jadi kalu kaya itu aku akur wan usul ikam lui ai supaya kita babulik ka alam mamakan ubat apotik hidup haja, nyaman maulahnya, murah haraganya wan kadada risikunya ujar garbus.
(bpst/tam)
terkait #palui #kisah si palui
baca juga
saribu ciuman
habis bulan
talu biji durian
cucuk barataan
kursi dewan
editor: sudi
sumber: banjarmasin post edisi cetak
tweet
)
Source from: banjarmasin[dot]tribunews[dot]com
Artikel keren lainnya:
Belum ada tanggapan untuk "Jamu Air Tarjun"
Post a Comment
Note: Only a member of this blog may post a comment.