 |
| Cucuk Barataan |
kampung palui wayah ini sama lawan nang lain hibak wan bandira partai pulitik.
papan nang bagambar urang nang bacalun jadi angguta dprd wan dpd jua kada kalah banyaknya.
tapi pang bandira wan papan bagambar caleg nang ada itu kada baaturan andakannya.
sungai, jambatan, puhun, tihang listrik sampai jamban ditajaki bandira.
sabujurannya, kampung jadi nang kaya itu kaadaannya lantaran palui.
sakalinya, palui lah nang maambil upah mamasang bandira wan papan bagambar caleg tadi.
makanya am, palui banyak banar baisi baju partai.
kada ngalang-ngalang lagi, sabarataan partai palui ada baisi bajunya.
garbus wan tulamak paling hanya bisa tauling malihati kalakuan kawannya itu.
dasar jua bubuhan partai tu, kada tahukah palui nang mamasangi bandira itu, ujar tulamak.
iih, kayapa jua bubuhan partai tu, bubuhan kampung kulir banaram mancabuti bandira lantaran kasihan wan palui.
padahal, kita muar wan bandira nang marusak pamandangan kampung, ujar garbus.
tapi bubuhannya, panasaran, partai napa nang dipilih palui pas pamilu kaina.
karna, barataan partai dijanjii palui pasti di
cucukakan pas pamilu kaina.
pas kabulujuran palui ada disitu, buhannya langsung batakun.
ikam tu manjanji-i partai pasti di
cucukakan, kaya apa kaina mambayarnya? ujar garbus langsung batakun kada babasa-basi.
iih, lawan partai ini ikam bajanji man
cucukakan, lawan partai itu bajanji kaya itu juga, kaya apa ikam ni,” ujar tulamak manambahiakan.
bubuhan ikam ni, kabanyakan bapikir, jadi kada tahu mancari cara supaya banyak dapat baju nang kaya aku, ujar palui mambalasi.
cuba lihati aku, partai jumlahnya 12, baju nang kudapat saitu jua jumlahnya.
malaran, dua tahun kawa sagan tilasan, ujar palui manjalasakan.
mun kaya itu aku gin hakun ai.
tapi nang bajanji man
cucukakan nitu nang kada sanggup, ujar tulamak pulang manambahi.
nah, nang itu salah buhan ikam.
mun aku, pas pamilu kaina, ku
cucuk ai barataan.
pukuknya, partai nang mambarii baju, pasti ku
cucukakan, ujar palui pulang.
mun kaya itu suara ikam kada sah, lui ai, ujar garbus.
iih, suara ikam tu kada diasi urang, ujar tulamak manambahi.
kadapapa jua, nang panting, aku tatap man
cucuk, kada golput wan kada maingkari janji wan bubuhan partai.
sah kada sah suara tuh tasarah bubuhannya ai,” ujar palui mambila diri.
bah mun nang kaya itu, tatapai golput kada baisi pandirian.
urang mamilih partai tu supaya mambaiki kaadaan bangsa, kada sagan mancari duit pang, ujar tulamak manumpalak palui.
(bpt/dd)
terkait #palui #kisah si palui
baca juga
kursi dewan
garing salira
kamana mutur ikam?
gula habang
mancari rasa
editor: sudi
sumber: banjarmasin post edisi cetak
tweet
)
Source from: banjarmasin[dot]tribunews[dot]com
Belum ada tanggapan untuk "Cucuk Barataan"
Post a Comment
Note: Only a member of this blog may post a comment.