Balilihan

Balilihan

saban malam jumahat wan sanayan, garbus malihat palui tulak bajalanan wan bininya.
garbus bingung kamana bubuhannya badua itu.
kamanaan bajalanan wan bini saban malam sanayan dan malam jumahat? ujar garbus merawa.
wayah ini kami laki bini umpat mandangarakan pangajian di langgar hulu, sahut palui.
kanapa maka hanyar wayah ini ikam laki bini bainsyaf? ujar garbus.
kami tapikir bus ai, hidup di dunia ini satumat haja tapi hidup di akhirat kaina nang lawas makanya parlu sangu, sahut palui.
jadi ikam balalajaran napa? ujar garbus.
balajar macam-macam, sifat dua puluh, fiqih wan tasawuf, ujar palui.
kawa hajalah ikam mandangarakan pangajian itu? ujar tulamak nang hanyar datang umpat batakun.
ngarannya haja balajar makanya dipaksa ai supaya kawa umpat mandangarakan.
kada banyak sadikit barang jadi.
asal ada daripada kadada sama sakali kaya bubuhan ikam itu, ujar palui.
maksud tulamak itu kada masalah palajarannya tapi ikam tamasuk urang nang katuju guring.
jangankan umpat mandarangakan pangajian, duduk di warung haja mata ikam takintip-kintip, tapajam-pajam karna mangantuk, ujar garbus.
kawa haja diakali bus ai, sahut palui.
kaya apa caranya ma-akali supaya kada mangantuk? ujar garbus.
aku ada ubatnya, sahut palui.
kalu ada ubatnya, tulung si tulamak itu dibari jua resipnya karna satiap inya imbah makan langsung maragui barabah lalu taguring, ujar garbus.
ini nah.
.
.
.
.
.
.
.
.
.
.
ubatnya, ujar palui maungkai kacamata hirang.
kanapa maka ubatnya kacamata hirang? ujar garbus.
wayah mandangarakan pangajian itu supaya kacamata hirang ini dipakai, bapadah silau kada tahan lampu listrik, ujar palui.
haa.
.
.
.
.
.
hahaaa.
.
.
.
.
.
.
.
nyatanya ikam taguring jua.
saduniaan ubat mangantuk kada lain pada guring.
urang tahu haja biar bakacamata, liur basi ikam balilihan di muntung wan dagu, ujar garbus mangalakak tatawa karna paham akal palui.
(tam)


terkait    #palui   #palui, tulamak, garbus

baca juga



kayi-kayi bahari


bulat jua


pakulih bini


malihat cuntuhnya


hanyar mambengkel






editor: dheny

sumber: banjarmasin post edisi cetak






tweet
)
Source from: banjarmasin[dot]tribunews[dot]com

Tweet

Artikel keren lainnya: