Wadai Bahari

Wadai Bahari

pambakal haji adul rencananya handak basalamatan manarima patalian anak sidin nang bini-bini.
sakaligus acara batukar cincin.
pasti haja palui selaku katua rt diundang.
“ui.
.
.
abahnya, napa nang kita sumbangkan gasan acara pambakal itu?” ujar bini palui kabingungan.
“ada rencanaku, umanya-ai.
kita ma-ulah kajutan,” jawab palui sambil lihum-lihum.
“kajutan napa?” takun nang bini pulang.
“sini dangarkan!” ujar palui mambisiki bininya.
cukup lawas bisikan itu, akhirnya bini palui takarinyum sambil baunggut-unggut.
palui laki bini lalu tulak kapasar pawadaian.
wayah buliknya, inya mambawa kutak kardus wan kantung-kantung plastik habang hijau.
isuknya, palui wan bininya naik bica ka rumah pambakal membawa kardus itu.
kada lawas rumbungan pangantar patalian bajurut datangan kaya maantar pangantin.
palui katua rt laki bini mendampingi pembakal jua laki bini.
para undangan sudah siap dudukan bakuliling.
imbah kata pambukaan wan tarima kasih tuan rumah acara dimulai.
“kami ma-atar ini patalian.
saraba sadikit, haraga murah, randah gunung, tinggi harapan, mudahan ditarima sebagai hikmah”.
lalu pihak tuan rumah menyahut: “burung takukur bagus bunyinya.
basahutan tinjau di tangah padang, kami kada ma-ukur amas intannya, nang panting, ruhui tuntung pandang”.
samuaan hadirin badarau kasukaan.
hadang dulu, hadang dulu, ulun minta maap, ulun handak umpat jua bapantun, ujarnya palui manyala.
“manisnya utas di jari manis, himungnya kami didalam hati, biar tatawa atau manangis, janji badua sahidup samati,”rami hadirin ba-ampik kasukaan, tapi si palui masih gatal ilat, lalu menyambung lagi pantunnya:“hari ini ulun bawa sumbangan, sumbangan murah kada ba-arti, bukan cincin harga juataan, tapi, hanya cincin wadai bahari.
” ujar palui sambil manyurung wadai cincin nang dua kardus tadi.
“umai hibatnya pa rt,” ujar pembakal kahimungan sambil manyalami palui laki binian, tarima kasih.
”“kami pa-ai batampah cincin dua nyiru gasan nyumbang salamatan ini.
” ujar palui babisik ka pambakal.
(bpost/aan)


terkait    #palui, tulamak, garbus

baca juga



banyak labihannya


mbah hira


manuruti motogp


banyak banyu


maniring aluh






editor: sudi

sumber: banjarmasin post edisi cetak






tweet
)
Source from: banjarmasin[dot]tribunews[dot]com

Tweet

Artikel keren lainnya: