Juara di Kalas

Juara di Kalas

imbah lulus sakulah sma, palui, garbus wan tulamak kadada nang kuliahnya karna kuitan kada kawa maungkusi.
daripada manganggur, bubuhannya bausaha banar mancari gawian.
palui tamasuk nang paling rajin.
hanyar-hanya tadi inya mambaca iklan di suratkabar nang babunyi; dicari urang nang prupisional, wan salalu juara di kalas.
luwungan itu dipasang parusahaan nang hanyar buka di kampungnya.
"ini ada luwungan gawian, bubuhan ikam handak umpat malamar juakah," ujar palui mambawai garbus wan tulamak.
"tapi nang dicari nangini urang pintar wan salalu juara di kalas lui ai," ujar garbus imbah mambaca luwungan itu.
"luwungan nangini rasanya cucuk lawan aku, karna aku salalu juara, ujar palui pina yakin.
"aja mudahan ikam ditarima bagawi.
amun bubuhan kami rasanya kada umpat malamar, sabab kami kada tamasuk nang mamanuhi parsaratan," ujar tulamak.
kaisukan harinya si palui langsung maunjuk barkas juara di kalas lamaran dan inya langsung diwawancarai ulih kapala parsunalia babinian nang langkar.
"saudara palui sudah tahu kalu, kami mancari urang nang bujur-bujur pintar wan inya ada prestasi yaitu salalu juara di kalas," jar parsunalia nang mawawancarai palui.
"tahu haja bu ai, karna ulun salalu juara di kalas makanya ulun wani umpat malamar," ujar palui manyahuti.
"salain juara di kalas apakah saudara palui juga sudah punya pangalaman bagawi," ujar ibu parsunalia tadi batakun.
"oh, ada bu ai, ulun sudah lawas bagawi jadi panitia masjid nangkaya manarima wan mambagi-bagi zakat satiap hari raya.
ulun parnah jua jadi katua panitia mun ada acara mulutan atawa baisra miratan.
tarakhir ulun sudah lawas bagawi jadi panjaga malam di kampung ulun nangini," ujar palui batambah yakin banar cagaran ditarima.
"haaah??? kanapa kaya itu.
.
.
nangitu lain pangalaman karja ngarannya.
itu pangalaman baurganisasi atawa bamasyarakat.
maksud aku nangini pangalaman bagawi di kantur atawa parusahaan nang rasmi," ujar ibu parsunalia tadi pina takajut.
"tapi bujurankah ikam nangini salalu juara di kalas, sabab aku lihati di ijazah ikam nangini nilainya babaya cukup, malah handak banar kurang," jar si ibu tadi pulang.
"iih.
.
.
itu bujur haja bu ai.
tumatan kalas satu sd, smp, sampai lulus sma ulun salalu manjadi juara di kalas, sabab mulai ulun sakulah dahulu sampai lulus kakawalan ulun kadada nang waninya bakalahi lawan ulun tarmasuk guru-guru sakulah nang malajari ulun," jar palui.
"baaaaaah.
.
.
, tasalah am nangaini.
kami ini sabujurnya mancari urang nang salalu juara alias dapat ranking wan barparestasi di sakulah.
nang ikam sambat itu tadi lain juara tapi jawara atawa jagau di kalas," ujar ibu parsunalia sambil manjulung barkas lamaran lalu manyuruh palui capat kaluar ruangan sidin.
(rev/ivd)


Source from: banjarmasin[dot]tribunews[dot]com

Tweet

Artikel keren lainnya: