 |
| Abdi Negara |
"samunyaan gawian itu adalah baik, makanya jangan banyak mengeluh mak ai," ujar tulamak.
"aku kada mengeluh gawiannya bus ai, hanya upahnya nang kada cucuk," sahut tulamak.
"sual upah itu dimanapun tagantung kabisaan dan kaahlian," ujar garbus.
"kukira di samping kaahlian patut jua dihitung kakuatannya," ujar tulamak.
"kuat napa mak?" ujar garbus.
"yaitu kakuatan maangkat barang.
buktinya awakku nang lamak ini kawa haja maangkat barang nang ganal dan nang barat-barat, kanapa maka upahnya kada sama," ujar tulamak.
"ikam ini mak bagawi di kanturkah atawa di pelabuhankah?" ujar garbus.
"aku ini abdi negara bus ai," sahut tulamak.
"kalu abdi negara kada maangkat barang kalu mak?" ujar garbus.
"bujur haja kada maangkat barang tapi ukuran makanannya babeda wan buruh," ujar tulamak.
"ooo.
.
.
jadi ukuran upah itu harus dikaitakan wan makanankah mak?" ujar palui umpat batakun.
"kalu abdi negara ukuran upah itu dikaitkan wan pandidikan, pangkat, jabatan, gulungan wan masa kerja," ujar garbus.
"bujur mak ai.
abdi negara itu ada aturan dan undangundangnya makanya kada kawa ditawar-tawar karna jabatan itu larang," ujar palui manyatujui pandapat garbus.
"hiih dasar larang.
aku dahulu banyak jua mambari hanyar kawa ditarima bagawi," sahut tulamak.
"larang nang dimaksud palui kada karna larang manyogok tapi larang nilai dan derajatnya," ujar garbus manjalasakan.
"sabujurnya ikam bagawi dimana mak?" ujar palui batakun.
"aku jadi pasuruh kantur, tukang kabun," ujar tulamak.
"tukang kabun haja maka bapadah abdi negara," ujar palui.
"aku bapadah abdi negara karna biasa umpat apel dan maucapakan janji korpri.
saya adalah abdi negara.
.
," ujar tulamak nang mangaku kada hakun disambat pasuruh.
(tam)
Source from: banjarmasin[dot]tribunews[dot]com
Belum ada tanggapan untuk "Abdi Negara"
Post a Comment
Note: Only a member of this blog may post a comment.