Ilustrasi Palui
Baca Juga
Hanyaran baisian anak pamulaan Palui bingung jua karna guringnya umpat taganggu. Wayah mulai lalap taguring lalu digarak bininya minta tulung itu ini sabab anaknya manangis karna takamih. Palui tapaksa babangun manggantiakan lampin wan popok hanyar gasan anaknya.
Nang ngarannya baanakan halus, apalagi wayah-wayah hanyar lahir pasti rancak banar bahira, bisa anam tujuh kali sahari. Baluman lagi bakamihnya bisa handak bahalat jam. Kada jarang hanyar diganti-i sudah bakamih pulang.
Ujar urang bahari kakanakan itu mamburuki lampin. "Jangan sariklah abahnya?" ujar bini Palui karna rancak manggarak lakinya.
"Biasa haja umanya ai, risiko baranakan halus," ujar Palui.
"Ulun kira nang ngalih ini adalah anak pamulaan haja karna anak kadua atawa katiga kaina kada sangalih ini lagi," ujar bini Palui.
"Sama haja umanya ai. Karna tiap anak layanannya sama, tautama bila malam inya manangis karna awaknya basah takana kamih atawa karna tabahira atawa inya sakit parut," ujar Palui.
Imbah tuntung mangganti popok wan lampinnya, Palui tatap kada kawa langsung guring karna inya harus bakenjot-kenjot manggendong anaknya itu supaya taguring pulang.
"Kaya apa anak kita sudah guringkah? Bila sudah guring lakas haja diandak. Nyaman lampu kukiripi supaya kada silau,' ujar bini Palui.
"Hi-ih inya sudah guring. Mudahan kada tabangun lagi karna parutnya sudah kukasai minyak kayu putih," ujar palui.
Wayah tangah malam bini Palui tabangun karna mandangar ada bunyi gugur, lalu digaraknya pulang lakinya itu: "Kudangar ada bunyi, napa nang gugur itu abahnya?" ujar bini Palui batakun.
"Kukira nang gugur itu salimput haja. Paling-paling salimput anak kita," ujar Palui manjawab sambil bapajam karna masih mangantuk.
"Cuba nyaraki lampunya abahnya nyaman di lihati napa nang gugur itu karna kudangar tadi bunyi pina mandabuk," ujar bininya.
Nahhh.... bujur kalu nang gugur salimput. Bunyi mandabuk itu karna dalam salimput itu ada tapuntal anak kita," ujar Palui lalu guring pulang.
Napa!? Anak kita?" ujar bini Palui lalu badadas maangkat. "Untung nang anak kada panangisan, jadi walaupun gugur inya sunyi haja," ujar Palui.
Dasar inya kada kawa manangis nyaring, hingak-hingak karna gulunya tapuntal wan salimput," ujar bini Palui bagagas mambuka puntalannya. (bpost/tam)
Nang ngarannya baanakan halus, apalagi wayah-wayah hanyar lahir pasti rancak banar bahira, bisa anam tujuh kali sahari. Baluman lagi bakamihnya bisa handak bahalat jam. Kada jarang hanyar diganti-i sudah bakamih pulang.
Ujar urang bahari kakanakan itu mamburuki lampin. "Jangan sariklah abahnya?" ujar bini Palui karna rancak manggarak lakinya.
"Biasa haja umanya ai, risiko baranakan halus," ujar Palui.
"Ulun kira nang ngalih ini adalah anak pamulaan haja karna anak kadua atawa katiga kaina kada sangalih ini lagi," ujar bini Palui.
"Sama haja umanya ai. Karna tiap anak layanannya sama, tautama bila malam inya manangis karna awaknya basah takana kamih atawa karna tabahira atawa inya sakit parut," ujar Palui.
Imbah tuntung mangganti popok wan lampinnya, Palui tatap kada kawa langsung guring karna inya harus bakenjot-kenjot manggendong anaknya itu supaya taguring pulang.
"Kaya apa anak kita sudah guringkah? Bila sudah guring lakas haja diandak. Nyaman lampu kukiripi supaya kada silau,' ujar bini Palui.
"Hi-ih inya sudah guring. Mudahan kada tabangun lagi karna parutnya sudah kukasai minyak kayu putih," ujar palui.
Wayah tangah malam bini Palui tabangun karna mandangar ada bunyi gugur, lalu digaraknya pulang lakinya itu: "Kudangar ada bunyi, napa nang gugur itu abahnya?" ujar bini Palui batakun.
"Kukira nang gugur itu salimput haja. Paling-paling salimput anak kita," ujar Palui manjawab sambil bapajam karna masih mangantuk.
"Cuba nyaraki lampunya abahnya nyaman di lihati napa nang gugur itu karna kudangar tadi bunyi pina mandabuk," ujar bininya.
Nahhh.... bujur kalu nang gugur salimput. Bunyi mandabuk itu karna dalam salimput itu ada tapuntal anak kita," ujar Palui lalu guring pulang.
Napa!? Anak kita?" ujar bini Palui lalu badadas maangkat. "Untung nang anak kada panangisan, jadi walaupun gugur inya sunyi haja," ujar Palui.
Dasar inya kada kawa manangis nyaring, hingak-hingak karna gulunya tapuntal wan salimput," ujar bini Palui bagagas mambuka puntalannya. (bpost/tam)
Sumber: tribunews.com
Belum ada tanggapan untuk "Salimput Gugur"
Post a Comment
Note: Only a member of this blog may post a comment.